2026 – Karnataka Government announces ₹1 crore for a Sikh colony and permanent Gurdwara building
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸੱਭ ਤੋਂ ਪੁਰਾਤਨ ਹੱਥ ਲਿਖਤ ਸਰੂਪਾਂ ਦੇ ਪਿਛਲੇ ਪਤਰੇ ਤੇ ਇਕ ਯਾਦਾਸ਼ਤ “ਹਕੀਕਤ ਰਾਹ ਮੁਕਾਮ ਰਾਜਾ ਸ਼ਿਵਨਾਭ ਕੀ” ਵਿੱਚ ਦੱਖਣੀ ਭਾਰਤ ਦੇ ਬੀਜਾਪੁਰ ਅਤੇ ਅਨੇਕਾਂ ਇਲਾਕਿਆਂ ਵਿੱਚ ਗੁਰੂ ਨਾਨਕ ਨਾਮ ਲੇਵਾ ਭਾਟ (ਭਾਟੜਾ) ਸਿੱਖ ਸੰਗਤ ਦਾ ਜਿਕਰ ਮਿਲਦਾ ਹੈ, ਭਾਈ ਸਾਹਿਬ ਜੀ ਸ੍ ਜਰਨੈਲ ਸਿੰਘ ਜੀ ਖਾਲਸਾ ਬਸੈੜਾ ਵਾਲਿਆ ਦੇ ਸਹਿਯੋਗ ਨਾਲ ਇੰਗਲੈਂਡ ਤੋਂ ਚੱਲ, ਫਰਵਰੀ 2026 ਵਿੱਚ ਬੀਜਾਪੁਰ ਕਰਨਾਟਕ ਦੇ ਉਪਰੋਕਤ ਗੁਰਦੁਆਰਾ ਸਾਹਿਬ ਜੀ ਦੇ ਦਰਸ਼ਨ ਕਰਨ ਦਾ ਸੁਭਾਗ ਪ੍ਰਾਪਤ ਹੋਇਆ ਸੀ। ਗੁਰਦੁਆਰਾ ਸਾਹਿਬ ਜੀ ਦੀ ਬਿਲਡਿੰਗ ਦੇ ਹਲਾਤ ਇਸ ਪ੍ਰਕਾਰ ਹਨ, ਕਿ ਅੱਤ ਸਦਾਰਣ ਜੀਵਨ ਨਿਰਭਾਹ ਕਰ ਰਹੇ ਕੁੱਝ ਕੂ ਮਿਹਨਤੀ ਸਿਕਲੀਗਰ ਸਿੱਖ ਭਾਈਚਾਰੇ ਵੱਲੋਂ ਟੀਨਾ ਦੀ ਛੱਤ ਪਾ ਕੇ ਵਿੱਚ “ਪੋਥੀ” ਸਾਹਿਬ ਦਾ ਪ੍ਰਕਾਸ਼ ਕਰਕੇ (ਭਾਂਵੇ ਕਿ ਕੋਈ ਗੁਰਮੁਖੀ ਪੜਣਾ ਨਹੀਂ ਜਾਣਦਾ) ਗੁਰੂ ਦਾ ਜਸ ਗਾਇਣ ਕਰਦੇ ਹਨ ਅਤੇ ਗੁਰੂ ਘਰ ਦੀਆਂ ਖੁਸ਼ੀਆ ਪ੍ਰਾਪਤ ਕਰਕੇ ਆਪਣਾ ਕੱਠਣ ਲੋਹ ਬਰਤਣ ਬਣਾ ਕੇ ਵੇਚਦੇ ਅਤੇ ਉਪਜੀਵਕਾ ਚਲਾ ਰਹੇ ਹਨ, ਭਾਵੇਂ ਉਹ ਆਪ ਵੀ ਝੋਪੜੀਆਂ ਵਿੱਚ ਰਹਿੰਦੇ ਹਨ,
ਇਹ ਦੇਖ ਕੇ ਸ੍ ਜਰਨੈਲ ਸਿੰਘ ਜੀ ਰਾਹੀ ਰਮਈਆ ਭਾਟ ਸਿੱਖ ਭਾਈਚਾਰਾ ਕਰਨਾਟਕ ਦੇ ਸਮਾਜ ਸੇਵੀ ਸ੍ ਪੋਥੀਵਾਲ ਜੀ ਨਾਲ ਸੰਪਰਕ ਕੀਤਾ ਅਤੇ ਭਾਟ ਸਿੱਖ ਭਾਈਚਾਰਾ ਬਰਤਾਨੀਆ ਅਤੇ “ਗੁਰਦੁਆਰਾ ਭਾਟ ਸਿੱਖ ਕੋਂਸਲ ਯੂ ਕੇ” ਦੀ ਜਾਣਕਾਰੀ ਦਿੱਤੀ ਅਤੇ ਸਰਕਾਰੀ ਹੰਭਲੇ ਲਈ ਪ੍ਰੇਰਿਤ ਕੀਤਾ,
ਗੁਰੂ ਨਾਨਕ ਦੇਵ ਜੀ ਦੀ ਕਿਰਪਾ ਸਦਕਾ ਅੱਜ ਸ੍ ਜਰਨੈਲ ਸਿੰਘ ਜੀ ਖਾਲਸਾ ਨੇ ਕਰਨਾਟਕ ਸਰਕਾਰ ਵੱਲੋਂ ਸਿਕਲੀਗਰ ਸਿੱਖ ਭਾਈਚਾਰੇ ਲਈ ਕਲੋਨੀ ਅਤੇ ਗੁਰਦੁਆਰਾ ਸਾਹਿਬ ਜੀ ਦੀ ਪੱਕੀ ਇਮਾਰਤ ਬਣਾਉਣ ਲਈ ਇੱਕ ਕਰੋੜ ਰੁਪਿਆ ਅਤੇ ਨੋਟਿਸ ਜਾਰੀ ਕੀਤਾ ਹੈ ਦੀ ਜਾਣਕਾਰੀ ਸੁਣ ਕੇ ਵਾਹਿਗੁਰੂ ਜੀ ਦਾ ਸ਼ੁਕਰਾਨਾ ਕੀਤਾ, ਇੱਕ ਵਾਰ ਫਿਰ ਇਸ ਇਲਾਕੇ ਵਿੱਚ ਬਾਬਾ ਚੰਗਾ ਭਾਟ ਰਾਏ ਜੀ ਦੀ “ਸੰਗਤ ਜੁੜਤੀ ਹੈ ਕਿਰਤਨ ਹੋਤਾ ਹੈ ਰਸੋਈ ਮੇ ਬੀਸ ਮੱਣ ਲੂਣ ਹਰ ਰੋਜ ਲਗਤਾ ਹੈ” ਇਤਿਹਾਸਕ ਸ਼ਬਦ ਦੀਆਂ ਚਰਚਾਵਾਂ ਗੂੰਜਣਗੀਆਂ ਜੀ।
ਇਸ ਸ਼ੁਭ ਕਾਰਜ ਦਾ ਸਿਹਰਾ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪਰਮ ਸੇਵਕ ਸ੍ ਜਰਨੈਲ ਸਿੰਘ ਜੀ ਖਾਲਸਾ ਬਸੈੜਾ ਪਿੰਡ ਬਿਜਨੌਰ ਅਤੇ ਸ੍ ਕੁਲਦੀਪ ਸਿੰਘ ਜੀ ਪੋਥੀਵਾਲ ਜੀ ਨੂੰ ਜਾਂਦਾ ਹੈ, ਜਿਹਨਾ ਦੀ ਅੱਨਥੱਕ ਨਿਸ਼ਕਾਮ ਮਿਹਨਤ ਸਦਕਾ ਵਾਹਿਗੁਰੂ ਜੀ ਦੀ ਕ੍ਰਿਪਾ ਸਦਕਾ ਇਹ ਸੰਭਵ ਹੋ ਰਿਹਾ ਹੈ ਜੀ।
ਵਾਹਿਗੁਰੂ ਜੀ ਇਹਨਾਂ ਸ੍ਬੱਤ ਗੁਰੂ ਨਾਨਕ ਨਾਮ ਲੇਵਾ ਸੰਗਤਾਂ ਨੂੰ ਨਾਮ ਦਾਨ ਗੁਰਸਿੱਖੀ ਜੀਵਨ ਚੜ੍ਹਦੀਕਲਾ ਬਖਸ਼ਣ ਜੀ, ਗੁਰਦੁਆਰਾ ਭਾਟ ਸਿੱਖ ਕੋਂਸਲ ਯੂ ਕੇ ਅਤੇ ਸਮੂਹ ਸੰਗਤਾਂ ਵੱਲੋਂ ਅਸੀਸਾਂ ਸ਼ੁਭਕਾਮਨਾਵਾਂ ਜੀ, ਧੰਨਵਾਦ ਜੀ,
ਜਸਬੀਰ ਸਿੰਘ ਭਾਕੜ ਪੀਟਰਬਰੋ ਯੂ ਕੇ,🙏🙏🙏🙏🙏